Azaroaren 19an, zapatuan, 12:30ean udan zehar egindako zikloturista-bidaiak elkarri kontatzeko geratuko gara Azebarri kultur elkartean. Bizikleta-taldeko kide batzuek 20 minutuko aurkezpenak prestatuko ditugu: argazkiak, mapak, ibilitako leku eta baliabideen berri partekatzeko. Bidasoako bide berdea, Galizako Kosta, Iparraldeko Donejakue bidea, besteak beste, kontakizunen bidez bisitatuko ditugu.
Horretarako, Azebarri kultur elkartean hitzordua ipini dugu, 12:30etik 14etara diaporamak eta horren ostean elkarrekin bazkalduko dugu.
Gaian interesa baduzu, gonbidatuta zaude, egitasmo irekia baita hau, eta bazkaltzera bazatoz, mesedez, aldez aurretik esaiguzu (644277155). Menu begetarianoa edo beganoa nahi baduzu, adierazi, mesedez.
