argIHIzkiak lehiaketaren kartela / 2013

ArgIHIzkiak: argazkietan oinarritutako II. testu laburren lehiaketa

Zer da?
ArgIHIzkiak Uribe Kostako literatura-lehiaketa da, euskaraz. Testu laburrak idatzi beharko dira argazki batzuetan oinarrituta. “Argazki”, “erretratu”, “potret” edo “fotografia” hitzak erabiltzen ditugu euskaldunok grezieraren “photos” (argia) eta “graphis” (marrazkia, idazkera) hitzekin sortutako “fotografia” hitza adierazteko. “Argiarekin marraztea edo idaztea” da, beraz, “fotografia” hitzaren jatorrizko esanahia. Lehiaketak bi helburu lortu nahi ditu: alde batetik, jendea euskaraz idaztera eta irakurtzera animatzea; eta, bestetik, Uribe Kostako argazkilariak eta euren lana sustatzea eta zabaltzea.

Nortzuk gara antolatzaileak?
Egizu eta Uk.

Nortzuk dira laguntzaileak eta babesleak?
Getxophoto, Leioako Udala, Erandioko Udala, Uribe Kostako Mankomunitatea, Getxoko Udala, Berbots, Berbalamiñe, Aitxu!, Koixi eta Legarrondo.

Zeintzuk dira lehiaketaren ezaugarriak?
– 16 urtetik gorako edonork har dezake parte.
– Testuak euskaraz idatzita egon behar dira, euskara batuan edo edozein euskalkitan.
– Edozein testu mota onartuko da (prosa, olerkia, bertsoa, haiku-a…).
– Testu bakoitza argazkietako batean egongo da oinarrituta, eta egileak adierazi beharko du zein den aukeratu duen argazkia (argazkiaren eta argazkilariaren izenak idatzita).
– Bi kategoria izango ditu lehiaketak:
Labur-laburra (160 karaktere gehienez)
Laburra (100 hitz gehienez)
– Testuak bidaltzeko modua: sms, whatsapp edo posta elektronikoa
– Testuak nora bidali: 619 935 541 / argi.hizkiak@gmail.com
– Testuak aurkezteko epea: maiatzaren 1etik maiatzaren 31era bitartean (biak barne).

Sariak
– Kategoria bakoitzean (labur-laburra eta laburra) sari orokor bana egongo da, bakoitza 200€-koa.
– Bestalde, eta aurrekoez gain, argazki bakoitzak testu bat izango du irabazle (labur-laburra eta laburra) eta saria izango da Uribe Kostan hainbat lekutan eta datatan egingo den erakusketan agertzea.

Oinarriak eta informazio guztia, non?
www.egizu.org/literatuta/argi-hizkiak
argi.hizkiak@gmail.com
619 935 541

Oinarriak

Parte-hartzea
– Lehiaketa honetan parte-hartzeak arau hauek eta epaimahaiaren erabakia erabat onartzea dakar.
– 16 urtetik gorako edonork parte har dezake.
– Testuak euskaraz idatzita egon behar dira, euskara batuan edo edozein euskalkitan.
– Testu bakoitza argazkietako batean egongo da oinarrituta, eta egileak adierazi beharko du zein den aukeratu duen argazkia (argazkiaren eta argazkilariaren izenak idatzita).
– Edozein testu mota onartuko da (prosa, olerkia, bertsoa, haiku-a…).
– Bi kategoria izango ditu lehiaketak, testuen luzeraren arabera:
Labur-laburra (160 karaktere gehienez, espazioak barne, eta izenburua aparte)
Laburra (100 hitz gehienez, izenburua aparte)

Aurkeztea
– Parte hartu ahal izateko, datu hauek bidali behar dira: izena eta lehen bi abizenak, adina, herria, telefono-zenbakia eta helbide elektronikoa.
– Parte hartzaileek lehiaketan emandako datuak benetakoak eta osoak izan beharko dira.
– Bidalitako datu pertsonalak antolatzaileek baino ez dituzte edukiko, eta haiek bermatuko dute testuen anonimatua epaileen hautatze- eta erabakitze-prozesuan.
– Testuak jatorrizkoak, argitaragabeak eta aurreko edozein lehiaketatan saritu gabeak izango dira, baita beste inongo lehiaketatan aurkeztu gabeak ere.
– Parte-hartzaile bakoitzak, gehienez ere, bi testu bidali ahal izango ditu (bi kategoria berean edo testu bana bi kategorietan; bi testuak argazki berarenak izan daitezke).
– Testuak bidaltzeko modua: sms, whatsapp edo posta elektronikoa
– Testuak nora bidali: 619 935 541 / argi.hizkiak@gmail.com
– Antolatzaileek mezu bat bidaliko diote parte-hartzaile bakoitzari, konfirmatzeko testua(k) jaso d(it)u(z)tela.

Epeak
– Hau izango da testuak bidaltzeko epea: 2013ko maiatzaren 1etik 2013ko maiatzaren 31ra (biak barne).
– Epe horretatik kanpo jasotako testuak ez dira onartuko.

Epaimahaia eta epaia
– Epaileak Uribe Kostako bi idazle izango dira eta epaileek ez dute ez egileen izenik ez izengoitirik ezagutuko.
– Epaileen epaia apelaezina izango da eta 2013ko irailaren 9an ezagutaraziko da.
Argitaratzeko eskubidea
– Aurkezturiko idazlanak antolatzaileen esku geratuko dira. Antolatzaileek beren web guneetan edo beste komunikabide edo euskarri batzuetan argitaratu ahal izango dituzte, egilea aipatuta betiere.

Sariak
– Kategoria bakoitzean (labur-laburra / laburra) sari orokor bana egongo da, bakoitza 200€-koa.
– Bestalde, eta aurrekoez gain, argazki bakoitzak kategoria bakoitzeko testu bat izango du irabazle (labur-laburra / laburra) eta saria izango da Uribe Kostan hainbat lekutan eta datatan egingo den erakusketan agertzea.
– Antolatzaileak harremanetan jarriko dira irabazleekin telefonoz edo posta elektronikoz. Ezinezkoa balitz irabazleekin harremanetan jartzea hiru eguneko epean (epaileen emaitza ematen denetik aurrera), saria zerrendan dagoen bigarrenari emango zaio.
– Sariak eman gabe gera daitezke, baldin eta, epaimahaiaren irizpidearen arabera, idazlanek behar bezalako merezimendurik ez badute. Era berean, epaimahaiak ahalmena izango du sor litekeen bere eskumeneko edozein arazo erabakitzeko, arazo hori oinarrietan aurreikusia ez bada.

Argazkilariak
– Elker Azketa (www.flickriver.com/photos/fotografiaelker & www.fotografiaelker.com)
– Natxo Pedrosa (natxopedrosa.wordpress.com)
– Willy Uribe
– Juan Gomez
– Eduardo Camino (www.eduimagenes.blogspot.com & www.facebook.com/eduimagenes)
– Luis de Isusi
– Sara de Diego
– Aitor Galbarriartu
– Peru Isasi
– Iker Basterretxea (www.rokephotography.com)
– Nagore Ayo
– Fede Merino (www.abfoto.org)