Euskaltegiekin adostutako jarduerak izaten dira, herriko euskaltzale guztiei ere zabaltzen dizkiegunak. Ipuin-kontaketak edota umore-saioak, magia-ikuskizun zein diaporamak antolatzen ditugu euskara ikasten ari direnek ere euskaraz gozatu dezaten. Laburbira film laburren Euskal Herriko zirkuitoa Getxora ekartzen dugu urtero, non zuzendariren batekin solasaldia egiten saiatzen garen.

Astelehenero esperientziadun lagun talde bat biltzen gara egurra lantzeko Algortako Aldai Patronatuan. 2015ean hasi ginen eta hasiberria zein aditua bazara lekua izango duzu gure taldean. Egurra lantzeko tresnak eta lehenengo egur zatia, elkarteak jarriko ditu. Irakaslea 8 egunetan/klaseetan etorriko da gurera, azarotik-ekainera arte. Animatuz gero, jarri gurekin harreanetan.

Euskal plaza-dantzak ikasteko eta elkarrekin euskaraz gozatzeko lotzen gara hilean birritan ostegunetan Aldai Patronatuan. Interesa baduzu esaiguzu!

Gazte eta helduentzako proposamena Azebarri kultura elkartearekin batera: mahai-jolas eta rol-jokoen saioak. Azebarri kultur elkartean edota Aldai Patronatuan lotuko gara. Jolas ezberdinak ikasi eta hauek probatuko ditugu. Euskaraz dauden rolo-jokoei ere lekua egingo diegu.