Berbodromoan, euskaldunak elkartuko gara eta elkar ezagutuko dugu, eta jai-giroan tarte atsegin bat pasatuko dugu.

Euskaraz giro lasaian aritzea, euskararen erabilera indartzea eta indar-erakustaldia egiteak. Azken finean, euskara eta euskaraz konpartitzea.

Euskara ikasleentzat, euskaraz jakin arren, euskaraz aritzeko aukera gutxi duenarentzat, egunerokoan euskaraz bizi denarentzat.

Prestatu zure ordenagailua, tablet edo mugikorrarekin ere egin dezakezu, eta jesarri eroso gurekin saio berezi honetaz gozatzeko. Aurreko edizioetan Getxoko plazetan elkartu baginen ere, 2020an JITSI MEET aplikaziorekin egin genituen Berbodromoaren bideokonferentziak, Etxetik Etxera.

Bideo deian 4 lagun elkartuko gara gela birtual batean, horietako 1 dinamizatzailea. Berak gidatuko du solasaldia. Bideo kamara hautazkoa da, bakoitzak erabakiko du konektatuta izan nahi duen ala ez. Dinamizatzaileak egingo du sarreratxoa, jitsi meet aplikazioaren eta solasaldiaren dinamika azalduko ditu.

Urtero 3 berbagai aukeratzen ditugu eta 15 minutuko tarteetan horri buruz berba egiten dugu.

Parte hartzeko izena eman, dinamizatzaile edo solaskide gisa.