Berbodromoan, euskaldunak elkartuko gara eta elkar ezagutuko dugu, eta jai-giroan tarte atsegin bat pasatuko dugu.

Duzun euskara maila duzula talde txikietan jolastuz ondo pasatzeko gunea da.

Euskaraz giro lasaian aritzea, euskararen erabilera indartzea eta indar-erakustaldia egiteak. Azken finean, euskara eta euskaraz konpartitu eta gozatzea.

Euskara ikasleentzat, euskaraz jakin arren, euskaraz aritzeko aukera gutxi duenarentzat, egunerokoan euskaraz bizi denarentzat. Jolasdromoaren kasuan herritar ororentzat irekia.

Maiatzak 21, ostegunean, BERBODROMOAK eta JOLASDROMOAK Romoko Santa Eugenia plazan 9:00etan eta 11:00etan, eta Algortako San Nikolas plazan 18:00etan egingo ditugu, bertan aulkiak egongo dira taldeak egiteko eta zenbakiekin zehaztuko ditugu taldeak. Jolasdromorako hainbat mahairen bueltan elkartuko gara.

Talde bakoitzean bost pertsona egongo dira, dinamizatzailea eta lau lagun, berriketa lasaian. Taldeetan euskara ikasten ari den jendea euskara dakien jendearekin elkartuko dugu eta interes orokorreko hiru gairi buruz berba egingo dugu. Ordubetez berriketan, gai bakoitzarentzat 15 minutu izango dira eta gai baten eta bestearen artean, parte-hartzaileak mahaiz mugituko dira, mintzakidez ere aldatuz.

Jolasdromoan 10 laguneko taldetan arituko gara mahai baten bueltan, Fikzio Fabrikako lagunek gidatuta.

1- Leku zatar eta ederren kokapena partekatu?

• Zein da Euskal Herriko txokorik itsusiena? Eta politena? Baduzu ohiturarik bisitatzen dituzun lekuen lokalizazioak partekatzeko? Sareetan ikusten dituzun lekuetara joaten zara?

2- Korrikaren ostean zer? Euskaraz non egin?

• Korrikaren zirrara bizi berri dugu, eta hemendik aurrera? Zure ustez garrantzitsua da aisialdian euskarazko eskaintza egotea?

3- Kultura geldirik dago ala etengabe aldatzen doa?

• Gure identitatea eraikitzen omen du kulturak. Arteak, literatura, erlijioa, petsamendu eta baloreak erdigunean ditugu. Aldatzen ari direla uste duzu?

Parte hartzeko izena eman: dinamizatzaile, solaskide edo jolaskide gisa.