EUSKARAZ GOZATU
ETA AISIALDIA BIZI!
ZER ANTOLATZEN DUGU?
YOGA
Aurten ere, yoga euskaraz egiteko aukera izango dugu Algortan. Irakasle Hasier Rekondo arituko da, urtero legez. Egungo egoera kontuan hartuta on line egingo ditugu klaseak, zoom plataformaren bidez. Ikastaroa hasiberrientzat zein esperientziadunetzat bideratuta dago. Astelehen eta eguaztenetan 19:30etik 21:00etara aritzeko prest bazaude, idatziguzu.
BIZIKLETA
Jende jator euskaldunarekin kirol apur bat egin gura duzu? Bizikleta prestatu eta animatu, hauxe duzu aukera! Hilean behin Uribe Kosta, Ezkerraldea, Meatzaldea, Txorierri, Bilbo aldea eta Uribe-Butroen ibiliko gara. Ez oso luze, ez oso zaila. 2-4 orduko txangoak izango dira (40-60 kilometro) eta aldapa gogorregiak saihestuko ditugu. Hori bai, talde hau izango da apur bat ‒baina ez gehiegi‒ sasoiko daudenentzat. Lehiarik ez. Hau ez da lasterketa izango, ez dago irabazlerik, denok elkarrekin eta suabe-suabe, konpainiaz eta bidaiaz gozatuz.
MENDIA
Getxoko berbalagunak mendira joaten hasi gara hilean behin, auto partikularretan batzuetan, garraio publikoan besteetan, Bizkaiko zonalde ezberinak ezagutuz. Gure mendi-taldeko ateak eta besoak zabalik dituzu, parte hartzeko bi baldintza besterik ez daude: euskaraz egitea eta jendea ezagutzeko gogoa izatea.
IRAUPEN-ESKIA
Asteburu batez iraupen-eski ikastaroa euskaraz, heldu, gazte zein umeentzat antolatzen dugu urtero, otsailean edo martxoan, Frantziako Sonport estazioan. Ikastaroak bi saio ditu, eta gure irakasleak profesionalak dira. Egunero bi orduz bi maila desberdinetan eta adinaren arabera banatuta aritzen gara. Ostiral arratsalde batean irten Algortatik eta igande gauera arte, lo Jacan egiten dugu.
Iraupen-eski asteburua Somporten eta Jacan
Euskaraz bizitzeko asteburua izaten da elurretara antolatzen duguna. Iraupen-eskia praktikatzeko aukera zabaltzen dugu 5 urtetik gorako haurren eta helduentzat, eta eskiatu gura ez dutenentzat erraketekin ibiltzeko plana ere badago. Helduek ere euskaraz berba egin behar dute. Martxoko lehen asteburuan joango gara aurten, martxoaren 1an irten (ostirala, 19:00, Fadurako markesina) eta [...]
BIZILAGUNAK IBILIAN/ ANDANDO
Animatuko zara naturako abentura baterako! Abenduaren 2an, larunbata, Fraideen Xendra ezagutzera goaz. 🌳 Fraideen xendrak Larreder gailurrera eta Iturrietako mendi ikusgarrietara eramango zaitu. Sorpresaz beteriko esperientzia magikoa, benetan! 😉 🧙🏽♀️🧜🏽♀️. Hainbat tokitako mito eta kondairak partekatu ditugu mendi-ibilbide batean. Jarduerak 2 €-ko kostu sinbolikoa du pertsona bakoitzeko, baina izena eman behar duzue, izen-emate [...]
SENDIk prest ditu udazkeneko tailerrak zuek gurekin gozatzeko
GURASOENTZAKO PLANAK, EUSKARAZ GOZATZEKO SENDIren udazkeneko jardueretan izena emateko epea irekita dago. Kuxkuxeatu udazkenean zehar familientzat antolatuko ditugun jarduerak, seguru gaude ekintza batean baino gehiagotan parte hartuko duzuela; txikientzako Txi kung familian, [...]
MENDI ASTEBURUA EUSKARAZ
Udazkenekoko planak egiten gabiltza SENDIn, motxilak prestatu eta animatu gurekin urriko hirugarren asteburuan, Aulestira baikoaz, ume eta helduok batera, asteburu-ederra euskaraz bizitzera. MENDI-ASTEBURUA Mendi martxa Aulestiko Ubilla aterpetxean geratuko [...]
Getxoko Bizilagunak mendira goaz uztailaren 9an
(Castellano 👇🏽) Bizilagunak Getxo udako proposamenarekin gatoz oraingoan. Aurten ere, hainbat tokitako mito eta kondairak partekatu ditugu mendi-ibilbide batean, Garaiko urtegira joango gara uztailaren 9an eta hemen bainatzeko aukera ere izan dugu. Jarduerak 2 €-ko kostu sinbolikoa [...]