GETXOKO FAMILIETAN
EUSKARA SUSTATZEKO PROIEKTUA
SENDI PROIEKTUA
NORENTZAT DA?
Getxoko ikastetxe guztietako A, B eta D ereduetako 0-12 urteko ikasleen familientzat da eta baita Getxon bizi diren familia guztientzat ere, nahiz eta seme-alabak beste udalerri bateko ikastetxe batean egon. Begirale, hezitzaile eta irakasleentzat ere bada proiektu hau.
ZER EGITEN DUGU?
Informazioa ematen dizuegu Getxoko Udalaren diru laguntzei buruz euskara ikasteko. Mintzapraktika egiteko Gurasolagun taldeak eta Olgetan euskaraz, Binbili bonbolo eta Parkean Olgetan ekimenak antolatzen ditugu. Guraso eta hezitzaileentzat hitzaldiak antolatzen ditugu Hazibideak zikloan. Eta horretaz gain, azaroan, otsailean eta maiatzean mota guztietako tailerrak antolatzen ditugu: sukaldaritza, jolasak, eskulanak, kirola, musika, etab. Gure jarduera gehienak euskaraz dira, doan edo oso merke.
NORTZUK GAUDE ATZEAN?
Getxoko Udala eta Egizu Euskara Elkartearen arteko elkarlana da. Gurasoen konpromisoa, ikastetxeetako guraso elkarte eta zuzendaritzen konplizitatea ere ezinbestekoa dugu.
GURE HELBURUAK
Gurasoak eta familiakoak euskarara hurbiltzea, ikastea eta erabiltzea, ez dakitenek jakiteko eta dakitenek erabiltzeko. Familia osoa euskarazko jardueretan ondo pasatzea.
SENDIREN GALERIA
Udaberriko bizikleta-asteburua Lekunberrin
Bizikletazaleok eta berbalagunok gure asteburua prestatzen ari gara ekainaren 5etik 7ra, bizikletaz , Plazaola bide berdean ibiltzera joateko. Animatu gurekin ekaineko lehen asteburuan, gazte, ume eta helduok batera, asteburu-ederra euskaraz bizitzera. Asteburuan zehar alde zaharra, Malkorreko begiratokia, Aitzarrateta iturburua eta beste hainbat leku bisitatzeko aukera izango dugu. ( https://www.lekunberri.eus/zer-bisitatu/) BIZIKLETA-ASTEBURUA [...]
UDABERRIRAKO PREST DITUGUN JARDUERAK EZAGUTU NAHI?
GURASOENTZAT PLANAK, FAMILIAN EUSKARAZ GOZATZEKO SENDIren udaberriko jardueretan izena emateko epea irekita dago. Kuxkuxeatu udaberrian zehar familientzat antolatuko ditugun jarduerak, seguru gaude ekintza batean baino gehiagotan parte hartuko duzuela; psikomotrizitate tailerra etxeko txikientzat, kandela tailerra, zeramika tailerra eta Udaburu ipuin kontaketa. Lasai irakurri tailer-sorta eta eman izena beheko formularioan. Tailer edo irteera bakoitzeko [...]
Parkean Olgetan. Bagoaz berriro ere Getxoko parkeak euskaraz betetzera
PARKEAN OLGETAN Getxoko parkeak elkargune bizi eta ireki bihurtu nahi ditugu, non jolasa eta euskara eskutik helduta joango diren. “Nor da nor?” jolasaren bidez, parte-hartzaileek modu natural eta dibertigarrian euskaraz [...]
HAZIBIDEAK. Hazkuntza kontzientea
Berriro ere, SENDIk antolatu dituen zenbait ekimenen berri eman nahi dizuegu, eta, bide batez, parte hartzera animatu. Ez galdu aukera, eta animatu etortzera! SOLASALDIA: HAZKUNTZA KONTZIENTEA. Solasaldi honek heziketa [...]
Iraupen-eski asteburua Somporten eta Jacan, martxoak 6-8
Euskaraz bizitzeko asteburua izaten da elurretara antolatzen duguna. Iraupen-eskia praktikatzeko aukera zabaltzen dugu 5 urtetik gorako haurren eta helduentzat, eta eskiatu gura ez dutenentzat erraketekin ibiltzeko plana ere badago. Helduek ere [...]
