“Harro herri” diño aurtengo leloak, eta betiko legez harro eramango dugu lekukoa Getxoko berbalagunok, aurten ere. Martxoaren 21ean, osteguna, goizeko 7:30ean sartuko da Korrika Algortara Berangotik, eta horretarako prestatzen hasi gara. Kilometroa Bizarra Lepoan eta Hirukako lagunekin batera eramango dugu, eta denon artean ekarpena egingo diogu Korrikari.

Gure km-zenbakia 1723 da eta Salsidu etorbidea 20an (Triku taberna parean) hartuko dugu, goizeko 7:59an pasako da bertatik, denok zaudete gonbidatuta!

Lekukoa nork eraman zozketa bidez erabakiko da, 5€-ko gutxieneko ekarpenak batuko ditugu, Bizum, transferentzia bidez zein berbalagun taldeetan eskura. Zapatilak eta bihotza prest? Beheko formulario honetan eman zure datuak eta zozketan sartuko zara!

❔Zalantzarik? 722 789 302 / egizugetxo@gmail.com