Idaztea gustuko dugu eta horregatik aurten ere martxan jarriko dugu Uribe Kostako idaZaleen txokoa, idazteko eta sormena lantzeko topaketa irekiak dira, hilean behin. Atea zabalik duzu gurera etortzeko 😉
Taldean era autokudeatuan idazteko dinamikak proposatuko ditugu. Hilabetero taldeko kide batek prestatuko ditu idazteko teknika lantzeko ariketak. Estrategia narratiboak jorratu eta idazleen lanak konparatuko ditugu.
Beldurra, lotsa eta ezjakintasunari aurre egiteko balioko digu tailer honek eta gainera sormena garatuko dugu euskaraz.
Hilabete erdialdean, asteazkenetan elkartuko gara, ikasturteko lehen topaketa Algortako Aldai Patronatuan izango da, 19:15etik 20:45era. Hurrengo saioak Algortako Villamonte Kultur Etxean.
Informazio gehiago: 619 935 541 (Maite) / egizugetxo@gmail.com
Doan. Egizu Getxo Euskaldun elkarteak antolatuta Irakurzaleen txokoko kideekin batera
