Euskaraz bizitzeko asteburua izaten da elurretara antolatzen duguna. Iraupen-eskia praktikatzeko aukera zabaltzen dugu 5 urtetatik aurrerakoentzat, eta eskiatu gura ez dutenentzat erraketekin ibiltzeko plana ere badago. Otsaileko azken asteburuan joango gara aurten, otsailaren 23an irten (barikua, 19:00, Fadurako markesina) eta otsailaren 25ean buelta (domeka, 21:00). Lekuak gordetzeko guri idatzi edo deitu: 644 277 155 / egizugetxo@gmail.com.
eski-ikastaroa
Asteburu-pasa honek helburu nagusi bi ditu: euskaraz lagun artean zein familia giroan bizi eta gozatzea eta horren ohikoa ez den iraupen-eskia egiten ikastea begirale euskaldunekin (urtero joaten zaretenontzat kirol horretan sakontzea). Egonaldia Jakan izango da, Oroel hotelean, eta pistak Somport estaziokoak izango dira.
Ume zein helduen taldeetan banatzen gara ikastaroak egiteko
Noiz: otsailaren 23tik 25era. Ostiralean 19:00etan irtengo gara Algortatik, Fadurako aparkalekuko autobus geltokitik.
Igandean 21:00ak aldera Algortan izango gara.
Prezioak (iazko berak helduen kasuan, umeen kasuan aldaketak daude):
140 € / Berbalagun, Egizuko taldeetako eta Bizarra Lepoan euskara elkarteko kideek 110 €
Ama edota aitarekin doan lehen umeak 112€ (%20ko deskontua) / 88€ (bazkideek eta gurasolagunen seme-alabek).
Ama edota aitarekin doan bigarren umeak 84€ (%40ko deskontua) / 66€ (bazkideek eta gurasolagunen seme-alabek).
Ama edota aitarekin doan hirugarren umeak 56€ (%60ko deskontua) / 44€ (bazkideek eta gurasolagunen seme-alabek).
Prezioaren barruan: autobusa, egonaldia (Lau izarreko Oroel Apart-hotelean, hirunaka edo launaka), bi gosari, larunbateko afaria, 2 egunen forfaitak, 2 orduko ikastaroa euskaraz egunero, ekipo osoko alokairua eta asegurua.
Behar ditugun datuak: izena eta bi abizenak, kontakturako telefonoa, posta elektronikoa, umeen kasuan adina, NA zenbakiak eta altuera eta oinaren neurria.
Edozein zalantza baduzue, hemen gaituzue: 644 277 155 eta egizugetxo@gmail.com
Ingresoa egiteko: ES20 3035 0067 66 0670062588 kontuan zuen izen-abizenak ipini.
Familia argazkia Canfrancen
Aurreko urteetako argazkiak ikusgai ondoko esteketan:
2016koak: https://www.flickr.com/photos/egizu/albums/72157665360552802
2015ekoak: https://www.flickr.com/photos/egizu/sets/72157651264603405/
Leave A Comment