Kaixo, lagun eta berbalagunok, udaberriak bete-betean harrapatu gaitu! Euskaraz blai gabiltza azken egunetan, eta horrela jarraituko dugu udara arte, ziur egon 🙂

Azken kronikak:
Berbakafe arrakastatsua bizi genuen otsailaren 25ean, eskerrik asko, denoi!
Bego Ramirezen berbak azken bizikleta-irteerari buruz martxoaren 6an.
Ataungo Barandiaran museoan eta sagardotegian ibili ginen martxoaren 19an.

AGENDA
//MARTXOA

24 / Aingeru Epaltzarekin “Izan bainintzen Nafarroako Errege” eleberriaz berba egingo dugu.
OSTEGUNA, 20:00, Algortako Aldai Patronatuan, EGIZUren Uribe Kostako irakurzaleen txokoak antolatuta.

24 / Leioako Korrika aurkezpena (detaileak jakin eta antolakuntzan inplikatu gura baduzu, animatu!)
OSTEGUNA, 20:00, Sakoneta Kiroldegiko gela didaktikoan, Aek-k eta Leioako Korrika batzordeak antolatuta.

25 / Gehitu Kultura hitzarmen-ekitaldia, Getxoko kultura-arloko hainbat elkartek konpromisoak hartuko dituzte euren jarduna euskararantz ekartzeko.
OSTIRALA, 19:00, Fadurako Areto nagusian, Getxoko Udalak Bizarra Lepoan elkartearekin elkarlanean sustatzen dute GEHITU KULTURA.

26 / Mendi-ibilbidea Ayuda ibaiaren ondotik, Monicak gidatuko gaitu edonorentzako irteera erraz honetan.
LARUNBATA, 9:00, Algortako metro ondoko parkinetik abiatuta, kotxez joango gara, zurea eramateko prest? Berbalagunek antolatuta.

27 / Ibilbidea Uribe Kostan, ondare erromanikoa ezagutzeko, Armando Llamosas berbalagun ospetsuak gidatua.
IGANDEA, 9:00, Sopelako eliza ondotik abiatuta, kotxez joango dira, onena deitu eta eurekin lotzea: 674.829.618, Aitxu Sopelako euskaltzaleen elkarteak antolatuta.

//APIRILA

1 / Algortako Korrika aurkezpena
OSTIRALA, 20:30, Algortako kasinon, Aek-k antolatuta.

2 / Sopelako esaera zaharren txapelketa
LARUNBATA, 11:00, Sopelan, interesatuok martxoaren 28ra arte duzue epea izena emateko, Jostexori (jose-p@aek.org) zein Aitorri (aitor-f@aek.org) idatzi ahal diezue.

9 / Bizikleta-irteera, laster zehaztuko dizuegu nora, zenbat km eta abar 😉

16 / Korrika Getxora! Herri-bazkaria, jaia…
Berbalagun eta Bizarra Lepoaneko kideen artean zozketatuko dugu lekukoa eramatea urtero erosten dugun kilometroan, aurten zuri tokatuko ote zaizu?

Oso ondo segi eta laster arte!
Garazi, Lander eta Rozio