IGO: Apirilaren 4tik maiatzaren 31ra
Astelehenean, bigarrenez, Irakurri, gozatu eta oparitu! egitasmoa martxan jarriko dugu Getxon.
- Irakurzaletasuna sustatzeaz batera, euskarazko literatura eta herrietako liburutegiak ezagutaraztea dira egitasmoaren helburuak
- Esperientziaren “bidaiaz gozatzeko” gonbidapena egin dute antolatzaileek aurten
- Egizu elkartea, Getxoko Udalak eta Euskaltzaleen Topagunearen ekimenez jarriko da martxan egitasmoa. Udal liburutegiak, BOLiBAR-ELORDUI, GOBELAURRE eta ELKAR liburu dendak egitasmoaren ezinbesteko kolaboratzaileak dira.
- Apirilaren 4an hasi eta maiatzaren 31ra arte iraungo du. Liburu dendetan, ekainaren 11ra arte.
- Euskal Herri osoko 50 herritan gauzatuko da egitasmoaren hamargarren edizioa, Getxon bigarrenez antolatuko dugu.
- Parte hartzailek txeke horrekin %35 merkeago erosiko du norbaiti ( edo bere buruari) oparituko dion euskarazko beste liburu bat.
Parte hartzea oso erraza da:
- Lehenengo pausoa irakurtzea da, euskaraz irakurtzea, alegia. Horretarako, herriko liburutegi publikora joan, eta euskarazko edozein liburu maileguan eskatu ahal izango dugu.
- Liburua irakurri, liburutegira itzuli , eta fitxa erraz bat bete beharko da: zein izan den irakurritako liburua eta zer iritzi dugun. Fitxa hori beteta, liburuzainak erosketa-txekea emango digu, hitzartutako liburu dendan erabiltzeko.
- Azken pausua, liburua oparitzea da: lagun bati, senide bati, edo norbere buruari.
Liburutegian jasotako erosketa-txekeak, euskarazko beste edozein libururen prezioaren %35 ordaintzeko aukera emango digu.
Apirila eta maiatza bukaeran, 30 €ko erosketa-txeke bana zozketatuko da, hile horretako parte hartzaileen artean.
Getxoko parte hartzaileek BOLIBAR-ELORDUI, GOBELAURRE eta ELKAR liburu dendetan erabili ahalko dituzte txekeak.
Irakurri, Gozatu eta Oparitu ekimenak hainbat berrikuntza izango du aurten, inportanteena, Patxi Zubizarreta idazleari eskaturiko 50 liburu gomendatuen zerrenda izango da, 5 adin tartetan aurkeztuko dena.
Gomendatutako liburuak
[…] ez baduzu irakurri gogoratu Getxoko liburutegietan maileguan hartu dezakezula liburua eta Irakurri, gozatu eta oparitu egitasmoaren abantailak aprobetxatu!! (Egitasmoaren inguruko informazio gehiagorako klikatu […]
[…] Irakurri, gozatu eta oparitu egitasmoan parte hartu zutenen artean 30€-ko erosketa-txekea zozketatu dugu Algortako Elkar, […]
[…] Maiatzean Irakurri, gozatu eta oparitu egitasmoan parte hartu zutenen artean 30€-ko erosketa-txekea zozketatu dugu Romoko GobelAurre, Areetako Bolibar-Elordui edo Algortako Elkar liburu-dendetan gastatzeko. Irabazlea Edurne Saratxo izan da, Zorionak, Edurne! Erosketa-txekea Gobela liburutegian jaso ahal izango duzu. […]
[…] Maiatzean Irakurri, gozatu eta oparitu egitasmoan parte hartu zutenen artean 30€-ko erosketa-txekea zozketatu dugu Romoko GobelAurre, Areetako Bolibar-Elordui edo Algortako Elkar liburu-dendetan gastatzeko. Irabazlea Alma Bru Sierra izan da, Zorionak, Alma! Erosketa-txekea Gobelako Haur liburutegian jaso ahal izango duzu. […]