Hamazortzi lagun elkartu ginen joan den ostiralean Villamonten, Rozio, Lander, Haize, Elai, Andrea, Izadi, Sua, Virginia, Uxue, Maria, Malen, Leire, Iker, Cristina, Mariangeles eta neu. Kantuak, asmakizunak, esamoldeak, mina dugunerako formula magikoak,aspaldian ikasitakoak batzuk, orain dela oso gutxi besteak… Hemen dituzue apunte batzuk. Gure hurrengo hitzordua otsailaren 25ean izango da, 18:00etan Villamonte kultur etxean, denok zaudete gonbidatuta. Gure proposamena hurrengorako: aho korapiloak. Ea zer topatzen dugun. Eskerrik asko, ustrukutarrok, plazera izan zen saioa zuekin partekatzea.

abestiak

Txalo pin txalo

Txalo, txalo,
txalo pin txalo
katutxoa
mizpira
gainian dago

Jostailuak batzeko abestia

Batu batu
dan dana batu
etxea jasota
ikusi nahi dugu

Mina dugunerako

Mina mina
sendamina
joan da, joan da
zure mina!

Asmakizunak

Pipitaki, papataki,
Nik baitakit gauza bat
Algorta gainean gazta bat.

ilargia
——————

Pipitaki, papataki,
Portuzarrean kulunka,
soka batetik lotuta.

txalupa
——————

Bizkarra badu
baina besorik ez
hankak baditu
baina ez daki ibiltzen
Alferra denak
ondo daki berotzen

aulkia
——————

Amaren erdikoa da
maitasun hasierakoa,
mendian itxura du
eta beranen aurrean doa

m letra
——————

Sarri laguntzen nau egunez,
nik egiten dudana eginez,
gauean uzten nau bakarrik
argi gabe ez baitu bizirik

itzala
——————

Dona dona

Dona, dona, katona
Sutondoan aitona
Lepotik behera kuttuna
Atera kanpora
neska-mutil tuntuna.

Elkarbanatu genituen beste abesti batzuk izan ziren: Pintto Pintto, Ikusi mendizaleak, Kontrapas, kaixo laguntxoa.