Umeen San Juan Sua Jaia 2019

 

San Juan bezperan elkartuko gara urtero bezala San Nikolas plazan, ekainaren 23an, igandea, 18:00etatik aurrera. Egitarau oparoa prestatu dugu Algortako hainbat eragileren artean, bertan ume eta gurasoentzako emanaldi eta tailerrarekin, bertso saioekin, txokolatearekin, munduko postreekin eta San Juan Kaintaitarekin gozatuko dugu.

Konjuruarekin batera sua piztuko dugu, eta haren inguruan dantzatuko dugu jaiari bukaera emateko. Animatu eta etorri, denok zaudete gonbidatuta!

Hemen duzue egitaraua:

18:00 Algortako San Nikolas plazan lotuko gara, aurten zer ekarriko duzu sutara botatzeko?

18:00 Bihotzak diskofesta! Haur eta gurasoentzako dantza-festa!

19:00 Aurpegia margoztu gura duzu?

19:30 ALBEko Bertsolariak

20:30 Txokolatada & munduko postreak!

21:00 Konjurua eta Urdiaingo San Juan Kantaia Itxartuko lagunen eskutik

23:00ak arte suaren inguruan dantzan

Etorri eta ekarri paper zaharrak sutara botatzeko (plastikorik ez, mesedez)

“San Juan sua” batzordea hauek osatzen dugu: Bizarra Lepoan Euskara elkartea, Egizu Getxo Euskaldun elkartea, Getxoko Etorkinen Plataforma, Gorrondatxe kultur elkartea, Itxartu, Yala Plataforma eta  ALBE bertso eskola.