Ikasturte berriari primerako hasiera emateko asmoarekin, Getxoko Berbalagunon aurkezpen-jaia ospatu genuen joan den ostegunean, azaroaren 12an. Bidebitarte txokora hurbildu ginen 40 lagun inguru, Berbalagun berriei ongi etorririk beroena eman nahian, eta, bide batez, gure chef paregabeek prestatutako menuaz gozatzera.
Mahai baten bueltan, EGIZUkoentzat interesgarriak diren proiektu batzuk ezagutzeko aukera izan genuen: Mintzanet.net, sOrtuak, Mintzakuadrillak eta Bizilagunak, hain zuzen. Abagunea baliaturik, omenaldi xumea ere egin nahi izan genien Bertxo Lopez de Gereñuri eta Josu Esnaolari, berbalaguna proiektuaren sorreran eta sendotzean egindako lanagatik.
Horrez gain, aukera ederra izan genuen kantuan aritzeko, Josu Landetari esker. Primerako taldea izan genuen antolakuntzan; eskerrik asko, Sabin Aio, Iñigo Bilbao eta Joserra Onaindia, mundialak zarete eta!
Hemen dituzue egun horretako argazki guztien albuma: https://www.flickr.com/photos/egizu/22973742755/in/album-72157661143137425/
Leave A Comment